ادخلوا وشوفوا ابوذيات كلش حلوه

سهول الناس عندي وانتة راسي
سفن غركت ابحري وانتة راسي
حبيبي انتة وصديقي وتاج راسي
واعز منك ترة ماكو علية

جفة عني حبيبي مرة سائل
مرة الدمع نازل مرة سائل
مرة احتار شاكتب مرسائل
ومرة انتظر ساعات المنية

ترف من تخطف وخطواتك وفتنة
لان حسنك طحنة وحــــــــيل فتنة
جمالك مو سحر يهــــــــواي فتنة
لان بيهة اختلف كلبي علية

لان طكات شماتي بهامــــــــــاي
وشل لا تظن عيني بها مـــــــاي
اذا علذل رضة يبصم بهامــــــي
اكطعة الجان يرضالي الردية

اسكت لا تضل تشكي بهامـــــاك
وتلوم الروح وتعضعض بهاماك
اخذ طبع النخل ارفع بهامــــــاك
واذا بلطين عرجك هاي هية

امر بلدار واسمع حنة بيـــــــهة
اظلوعي والمفاصل حنة بيــهة
جفوفي ولا تضنهة حنة بيـــهة
مسحت الدمع دم واثر بدية

يصاحب طال هجرك مرعلينة
وحتة الزاد بعدك مر عليـــنة
اذا بعدك تحبنة مر عليــــــنة
شتخسر من تدك بابي علية