ابوذيات ابوذيات ابوذيات

احط لكليبي اجناحات ويروح
الك يحمل رسايل عتب ويروح
صفن وسط الجسد روحين وي روح
تعيش العمر يا مدلل سوية
..



كضيت العمر بس ادرس وطالب
وشيفيد اللعب بس اركض واطالب
صرت تلميذعندي وطالب
ومن اريد اسئل شايل خشمك علية


كلبي احترك من هجرك ولع شاب
وانة المتولع بحبك ولع شاب
دوة الدكتور ماينفع والاعشاب
اطيب بطبت اجدامك علية


جيت امشي اليوم بحيكم وعفت حينة
كلت بلكي العزيز الغالي يحينة
طلع حية ويا ريتة مثل حينة
يلدغ ويكول والله ما عندي اذية


نبينه وصل للقدرة وردها
وعلينه للشمس اشر وردها
حسن وحسين للدنيا وردها
وتسع انجوم اضوت عالوطيه



حبيبي لابس المحبس وساعة
وقميصة ياخلك ما بي وساعة
ساعة ينام المدلل وساعة
يفز مرعوب ريته بين اديه


رسالة وياك للمحبوب ودهاك
معاشي صار بس باربيل ودهاك
الواشي منين جابه الدهر ودهاك
افركنه وكل محب صار بنويه