:: ابوذيات الليــــــــــــالي الســـــود ::,,؟,

من طرف **احمد الغزالي** 7/10/2008, 9:51 am

السلام عليكم ورحمة الله
شلونكم حبايب ؟؟؟؟
جبتلكم ابوذيات رائعة في نظري واتمنى تنال اعجابكم
:::::::::::::::::::::::::::::::::::::::::::::::::: ::::::::::

وحك الزاح بيده هبل واللات
ماينفع اليه الو واللات
شما اكول الليالي السود ولت
تغبش من صباح الله عليه
:::::::::::::::::::::::::::::::::::::
مصايب ع الكلب نصبوا واللو
الهلبت مانفعني بعد واللو
احبابي بلا ذنب للغير ولو
طبعهم غدر مابيهم حمية
:::::::::::::::::::::::::::::::::::::
الرقي صار الجنابك برتقالي
وعلى الحاضر حويته برتقالي
اذا انته مزاجك برتقالي
تكتر لاتذب ضيمك عليه
:::::::::::::::::::::::::::::::::::::
يكلبي الناس نامت وانته حيه
الحزن سواك مسكن وانته حيه
غير بشر تعشك وانته حيه
غوّتك ناعمة بسم هالمنية
:::::::::::::::::::::::::::::::::::::
هاك خيوط روحي هاك ابرها
ولو صاير بحرها هاك برها
الك حسره بدليلي ها كبرها
علي ثكلت مثل ثكلك عليه
:::::::::::::::::::::::::::::::::::::

الزمان بفركتك حزين جزنه
وعلى كل الحزن والنوح حزنه
تعال على الدليل وشوف حزنه
مغيم ماصفه ومخبوط ميه
:::::::::::::::::::::::::::::::::::::
حبيبي عليك كلي من تجنه
اليكلك نار جذب منته جنه
تعرف شيصير بيه من تجينه
كبل باب الكلب ياخذ تحية

:::::::::::::::::::::::::::::::::::::
تحياتي