قصيده كلش حلوه

كلساع انذبح من عرست لليوم
وكلساع انسحك بجدام تذكارك
بعد ماكفرتني بديني المن جاي
تقرالي وترتل صورة اعذارك
وكع وكت البرد واتدفى بيك الغير
وما الحك بعد واستانس بنارك
يالمثل النخل شامخ شجاك شبيك
خليت الغريب يلوذ بكتارك
مرات النخل بس ينصه ينضاك
وانت بيوم عرسك كلي شخبارك
صدك تمرك خلص لمن اجاك الليل
وصدك سعفك خدر وانطيت جمارك
دليته اعله روحك ماتعب وياك
مادور عليك وداخ فجارك
احجيلي بعد هالغيبه كلي شصار
واحجيلك اسراري وبيها نتشارك
لان تدري كبل كلي آنه اصير ضماد
اذا شريان صوتك ينزف اسرارك
صفت روحي جرف حد ما حضنتك ماي
وبقه لاخر نفس بالروح تيارك
يا اعذب نهر تعله اعله جرفك ليش
تره الناعور غشك لمن اختارك
واعرفك فكرت ضنك تلوح الغيم
وشوف لوين وصلت روجة افكارك
ذنبك امنت من شالك الناعور
رد اردود بيك وعالجرف دارك
ومادامك اجيت وتنشد اعله الحال
بعيونك تعال وشوف اثارك
كلساع انذبح من عرست لليوم
وكلساع انسحك بجدام تذكارك

الله الله يا علي مبدع نتتظر جديدك يا وردة تحياتي الك