محاوره شعريه هاي انت لوطيفك اجاني

هو:
منو؟؟ معقوله الحبيبه كدام عيني!!!
ليش هيج بسرعه الموت تنسيني
مو أتفقنه احنه عالزواج ليش خنتيني
عفتيني بليل أظلم ليش عفتيني

....

هي:
هذا منو الداشوفه كدامي
حبيبي الجان محلي ايامي
اعذرني..مراح اكلك حبيبي
بس يكفي اكلك حيدر غييييييير عن كل الاسامي
ومن اكول اسمك ترجعلي سنيني
....
هو
ناديني هسه شلون ما تردين
اني عندي المهم أنتي التناديني
هاي بنتي ألجبيره شمس سميتها
وأسم ألدلع من أي مرض يشفيني
ما صيحلها شمس لا... أكلها نشنوش
اوصل لحد الموت وذكراج يحيني

....

هي:

ما مشتاقتلك لا..تدري ليش؟؟
كل هلسنين انت باحلامي
وكل ليله اوصي الكمر يوصلك سلامي
تدري ابني شسميته (حيدر)..دتصدك كلامي؟؟
كالولي ليش حيدر من دون الاسامي
كلت حتى كل يوم اناديك بلكت تجيني
....


هو
هم انتي مثلي وما نسيتيني
وشلون وشكد احبج همزين تدريني
هسه مرتاح وهمزين بالصدفه شفتج
وشوفتج هاي تسوه عمري وسنيني

....

هي:
شلون انسى..وشأنسى احلى سنيني وايامي؟؟
صح اني ياما بجيت واسال ليش نساني
وشلون حبيب الروح راح وما اجاني
بس من شفتك نسيت همي وملامي
وماحسيت بس بذكرى حلوه تجيني
....
هو

أني هم اذكرج هواي وكل ذكرى حلوه
وكل سوالفنه الحلوه سعاده تنطيني
هيه مره نعيش ومره نحب ومره نموت
وحبج من هالحياه صدكيني يكفيني

....

هي:

الصدك حبيتك
والجذب بعدك احب
بس الدنيا هيج ..مو مثل ما انطيها تنطيني
خلينا نعيش بذكرى حلوه
وخليك احلى طيف كل ليله يجيني

رد بمحاوره شعريه
تحياتي حمزة العبادي