حبيتك ولو هجرني بستانك

تكـرهني واكرهك هيجي انت تريد ؟؟
حسبالك سهل ؟؟ مو سهل نسيانك
تكدر تنسه انته وتكره الحبوك ؟
تكدر تجرح انت العشك بستانك ؟؟
بس ضكت الفواكه وانت موطماع
وشميتك ورد مكطعت ريحانك
لان ضكتك ضجت تكرهني ليش شبيك ؟؟
وبقسوة تعامل كلبي الصانك
بعيونك حجي .. اتغيره ليش وياي ؟؟
انه امدوزنك ومألف الحانك
ليش لسانك يغيير حجي العينين ؟؟
ليش تخون عينك انت بلسانك ؟؟
انت كليبك ابيض شو قسيت وياي !
هسه ادري شعجب شو كثرت الوانك ؟؟
انطيتك عشك ما شفته من الغير
كلي شقدمتلي وانت هيانك ؟؟
ادك بابك اذا شفتك نمت مقهور
واتعذر وأكلك ردني لحضانك
تجازيني بسهر وبداء ضد النوم
وارد ارجع ابوسك و أنخه بيبانك
عشت وياك اداين عمري لك كل يوم
وانت الماينام بليل ديانـــــــــــــك
ميزانك جنت مكشوف دوم وياك
عليك يهون يمكن تنسه ميزانك ..؟..
تجرحني واشوفك تضحك بكل صوت
وما يغلط ابد بعيوني نيــــــشانك
طير انه ولكيتك بيك كوم اغصان
كلت ارتاح يمك واغفه بحضانك
وكفت انه اعله غصنك ما قصدت ااذيك
اشو بلاريح وخرت مني اغصانك
قصدك واضح ادري تريد اطير ابعيد ..
هاذ انه وطرت من جنة اوطانك
جيرانك اضل لاتنسه حق الجار
من بعيد سلم انه جيرانك
ولو ماضن تراني هنا وانت ابديت
حبيتك ولو هجرني بستانك
حبيتك ولو هجرني بستانك