ورد كلك ورد من الجدم للراس

ورد كلك ورد من الجدم للراس


مو حقه الشعر يحتار بااوصافك


اذا حته العسل منك شمر لبعيد


من شاف المناحل حسدت اشفافك


لا تسرف علّي مايحمل الدلال


لانك مو طبيعي ابساعة اسرافك


جمعت الليل كله ابزلفك الميال


تبده الليل لكن جمعته اجتافك


فك عينه الكمر وانذهل كلش بيك


او لم غيمه اعله وجهه او جفل من شافك


مو عادل اذا تتبختر ابممشاك


حن اعله البشر من تمشي بنصافك


ابعطرك يلتحف حته النسيم الهاب


لان عطر الحدايق صاير الحافك


اذا جنك نهر يجري ابمراعي الياس


او بالجوري تبدل ورق صفصافك


اذن حقه الكلب يطفر اذا شافاك


وامر كلش طبيعي الوجه لو خافك


خلي ابكل شبر فوك الارض نيشان


الجمال اتعنه ليك ابيتك او ضافك