اتفضلووووووووووو عيوني للاابوذية

قلم كلبي تداين ورقة منك.
لان ماكو بجمالك ورقة منك.
اسجلك انت الاول ورقمنك .
وكتب لافته محجوز اليةةةة؟




كَلبي بالفلكة يمشي ولشارعك لايف
يبقى دومة يحبك ويبقى الك لايف
صرت انتة روحي وصرت my life
ولو غبت عني minut تحضرني المنية

الك بالكَلب مسكن ولك دار
قربك يبعد همومي والاكدار
على بعادك مااصبر ولا اكدر
افكر بيك كل صبح ومسية

لو ردت الحبيب اتشوفه ينشــــــاف
وطيبلك جرح بضــــــــماده ينشـاف
اخبرك بل حبيب اشلون ينشـــــــاف
بس ضيف الاميل وهاي هيــــه

سماح اطلب انا المنكم وهدنــــه
كمش بيد التعورنه وهدنــــــــه
جبل راكَع خجل جيتك وهدنـــــــه
اصير اتراب ونته اسحكَ عليه

وحگ اعيونك ورسمك وداعك
وحگ جلماتك الحلوه وداعك
يصاحب فرهَد ابروحي وداعك
انتلف ثلثين والباقي باذيه



تلوج الروح ياأحبــابي وراكم
وعجاج الضعن سد عيني وراكَم
يدمرني الحلم بيكم وراكم
ويريت الحلم واليقــضه سويه.

كوم اجلالا لحسنك و اقف لك
و اسجل قلبي يا خلي و اقف لك
و احطك بيه و اقفلنه و اقفلك
و اطب بصدري و اقفلكم علية