احلى الابوذيات تفضلووووووووووووووووووووووRM

من طرف **عدنان البصراوي** 4/12/2008, 7:28 pm

للوالده الحبيبه

يمنه

گبل مثل الحمامه تحوم..يمنه
وگبل چانت اليّه الايد..يمنه
تحت جدمچ الجنه صدگ..يمنه

ورضّاتچ من رضا الباري عَليه

وراوي

منهم ما ورد طارش ..وراوي
ابو خد الترف مايع ..وراوي
اريد اخذ رسم من وجهه..واراويه

واگل للناس هذا الفتك بيه

وحالك

منهو اللي خبط ماياك..وحالك
ومنهو اللى بگطع وصلّك..وحى لك
عجيبه وغيرت طبعك..وحالك

وصرت اسئل ولا تسئل عليه

ويامر

اليريد الحلو لابد.. ويامر
وحبيب الرووح يتدلل..ويامر
اصيرن نار من يبعد..ويامر

وأرد قالب ثلج لو رد اليه

ينراد

الصبر ايام هيچ اثگال..ينراد
واكلفك خبر البلدار..يلراد
موش انا اللي بوجهي الباب.. ينرد

انا الصبيت بيبانك بديه

وكت لك..

مضى وكتي وبعد عندي.. وكِت لك
ودمعي ماجرى لغيرك.. وكَت لك
اكتلني عالنفط صاير.. وكتلك

الزلم خمسين والنسوان ميه

اسهام كلبك الترف علي شرعا
وسفن حبك بخليج الكلب شرعا
واريدمذهب يحلل البوسة شرعا
واذا ماكو ارد للجاهلــــــــــــــــــية

ابد ميرحم الطايح وكتنه
جمعنه ورجع طشرنه وكتنه
اصيح على الفرح اوكف وك اتنه
تركني ومسمعني وشمت بيه

حد اسيوف هجرانك وسلهة
وهاك الروح مرمرهة وسلهة
يمك ناس ناشدهة وسلهة
بشرع من حللت هجرانك عليه

ابد موعشرة هاي وياك طلعت
ومن كثر الهموم الروح طلعت
شفت مرة شمس باليل طلعت
اكل للناس ميصدكون بيه

اريد الدنيا تصفى وياي بس يوم
وشوفك يا كحيل العين بس يوم
تنوح امي عليه وصحت بس يوم
الذنب ذنب الدهر قاسي عليه

سهول الناس عندي وانته راسي
سفن غركت ابحري وانت راسي
اخويه انت صديقي وتاج راسي
واعز منك ترى ماكو عليه

تظل نجمة يضي العين بسماي
ويظل اسمك حبيب العمر بسماي
ما يروي العطش بجفاك بس ماي
العطش ترويه بوصالك عليه

جمعنه ورجع طشرنه وكتنه

اصيح على الفرح اوكف وك اتنه
تركني وماسمعني وشمت اعداي بيه

وكتهن

حچايانا گضن يشگر ..وكتهن

ولوّن يحصل مَجال الهن..وكتهن

أنا القى دموع بعيوني..وكتهن

أخافن من حچي الشمات اِليه

بسهام..

عيونك تصيب الگلب ..بسهام

يلي ابد ماشفت بهواك.. بسهام

انا طير المهاجر بالفضاء.. بسهام

اشوفك وانا تايه بالبريه

وناسف

احبك واعتذر منك ..وناسف

جمال ابروحك امغربل.. وناسف

احط ابروحي تي ان تي ..وناسف

وافجر روحي اذا ماتمر علية