من يوم العرفتك

من يوم العرفتك و دموعي متفارك الخدين

يا اول ضحكتي و آخر احــــــــــــــــــزاني

يا كمر ليلي وشمس تمــــــــــــــوز لسماي
يا اول من نورت سما ليلي ونهـــــاري

صحيح القدر يسوي العجايب ويفرق الاحباب
بس القدر ليمك هو الي وداني

ممنون الج يا دنيا وشما اكول عليـــــج
يل جمعتيني بأحلى خلانــــــــــــــــــــــــــــــــي

حبيبتي يا ام عيون وساع وجفون الكحيلة
احبج يا اول من سلمت مفتــاح بيباني

انا ما اكول شعر بس اكتب ابسط الكلمات
يا احلى قصيدة واعذب الحــــــــــاني

محتاج ابجي على صدرج دموع و دموع
بلكن تصيرن يا عيون عميـــــان

شلي بالعيون الما تشوفج بكل ساع
يا وردة عسل يا شعر يوناني

انت تحني كول انطق ولا تخاف
ماكو حبيب يخاف من نصفه الثاني

يل هانت عليك العشرة ونسيتني بلحضات
يا اول و آخر من نكع اجفاني

تذكر..تذكر من جنت اكلك هم يجيلك يوم
تنكر عشرتي وتحبلك شخص ثــــــاني

جنت تتعصب ويصيبك جنون
وتكلي ما انساك لو كل العالم .... غواني

خليني بحسرتي و دموعي والاوراق
وخليهة الروح دوم ابعدك تعـــــــــــــاني

غروك.....غروك بحجيهم الناعم المسموم
وخلوك بسهولة تكرهني مو تنســـــاني

هم حسبالك آني انســــــاك...؟؟
ابد لا والله ..لك انت جوة الجلد يعني انت شرياني

يل تحييني كل ما افكر بيك
ومن يسئلوني شجالك تبتسم فرحان ..؟؟
اكلهم حبيب الروح هو بذكرة احياني
اكلهم حبيب الروم هو بذكرة احيانين



_________


مع حبي المتواضع
الحب الحزين




ليش ياعمري هجرتي
وليش للعشرة نكرتي
ليش تنسين الحنان
واحلى قصة ابهالزمان
ويصفة حبچ بس خداع
گلتي انتة ياحبيبي
اول واخر حبيب
گلتي عمري كلة انتة
وگلبي من دونك غريب
شو غفل عني رحلتي
لاحچيتي ولا سألتي
وافترقنة بلا وداع