عراقي يعتذر من حبيبـــهُ بطريقته الخاصه !! قصيده روعه لا تفووتــكم ..

--------------------------------------------------------------------------------

السلام عليكم جميـــعاً

هذي قصيده عراقي يعتذر من حبيبته عجبتني كلش فحبيت تشوفوها ..

ما اكَدر أخدعج ,, وبقا اَنه وياج ,,
لأن فرق السما البينج وبيني ,,


أنتي بديره ما مرها الحزن والاه ,,
وانا بديره غربه ومظلمه اسنيني ,,


ما اكَدر اوعدج باللذي ترديه ,,
ليش اكذب عليج ارجوج تنسيني ,,


عسر الحال هلدمر فرح دنياي ,,
وركض جبت العمر من دون كل جيلي ,,


شلون انطيج كلمه وانا مرهون ,,
رهن حكم القدر والقهر لاويني ,,


دنيايه عباره عن جمع حسرات ,,
حسره اتذل حسره بآه تاذيني ,’


اريد ابعد لان حالي صعب فد نوب ,
تفلش دار كَلبي وكل حياطيني ,


يطير الحب شجابك عاشرت لغراب ,,
واجه حتى البوم حن اليوم ينعيني ,,


وج دمعي نهر حت للفرات أسكَيه ,,
ودجله اتفيض كل مره بدمع عيني ,,


فلح زرعت نخل من جاري هاي العين ,,
وانا ذاك الشجي الحركَوا بساتيني ,,


شتانين مني وانا كومه ارماد ..
عطر دخان صاير من تشميني ,,


مو انتي ورد اشجاب الورد للشوك ,,
وانا عاكَول صاير لو تكَطفيني ,,


وحكَ ربي احبج لاجن ارجوج ,,
دينج ما يوالم بالهوى الديني ,,


لأن أنا بوطن يوميه اخ مذبوح ,,
يوميه فجيعه ابكَلبي تجويني ,,


ما عندي مجال أصفن ولو لحظات ,,
من اصفن تكَص بيه سجاجيني ,,


لأن عدنه الي يصفن يصفه مقتول ,
ولاجن اليموت اسلام جن صيني ,,


كلها اتذبح بولد النشامه اليوم ,,
ذبح اخواني ذبح الشات يا ذيني ,,


وبعد هذا ممكن تعذري ابعادي ,,
شوكت افرغ واحب شوكت فهميني

00000000000000000

مع تحياتي وتقديري لكل من قرأ موضوعي ..

يسلمو على الابداع المتواصل

عاشت ايدك احمد على القصيدة
ابداع والنعم منك يالغالي تضل غالي
مع تحياتي عدنان البصراوي

يدآ بيد نحو منتدى افضل واجمل

تسلم حمودي قصيده روعه لا تحرمنا من جديدك
وحبيت اسمعكم شي كتبته قبل فتره
اكول *صح ما جمعنا القدر بس يبقى الج بكلبي اثر
وما اكول اللي كدر ما كدر
لكن اللي زرع وصبر لا بد يوم يجني الثمر
مع اطيب امنياتي لكم