لا تزعل يا ملاكي اهداء لحبيب الروح

لاتزعل علي وتگلي ماحاچيك
خلي الدنيا تزعل وانتَ لاتزعل
شجره انه وحبيبي الماي انت
واموت انا بغيابك حتماً واذبل
ونور اعيوني انت ولو رحت ما شوف
واذا ما اعمى يمكن انگلب وجفل
انطق گول كلشي ولا تگول فراگ
وسوي شما تسوي بيه انه اتقبل
عگبك راح اخلص وانسل بلياك
ومو بس انه گلبي وياي هم ينسل
شلون انطاك گلبك تبتعد وتروح
جاوبني بعذر يقنعني من أسئل
مات الگلب بعدك موته الفراگ
وبس يسمع بجيتك ينهض ويعدل
واذا انتَ رحت المن اگول اهواك
وبعد يا الاوصفه وبيمن اتغزل
تعال ورد اليه وانه انتظرك
وخل نرجع أحباب ارجوك مثل اول
لغيرك ماتوسل گلبي فد يوم
وچي هوه يحبك الك يتوسل
واذا غيرك احبن يجوز مايوفي
وأخافن مايقدر حبي اله وانذل
صعبه العيشه دونك تنحل بلياك
واذا مويمي انتَ العمر هم ينحل
كلشي انتَ بحياتي لو رحت كلشي راح
وحتى الفوگ عگبك ينگلب أسفل

شكرا حبيبي روعة والله احــــــــــــــــــــبك

شكرآ عاشقة الغزالي على الابداع

عاشت الايادي يا عاشقة
نتمنى منك كل ما هو جديد ومفيد وتسلمين عيوني خيتووووووووووووووووووووو

نو هاي احمد مومال عاطفه

تسلمين غاليتي على الادباع الرائع تحياتي