صحيح تمرضت وبكلبي ما ظل حيل

صحيح الليل بعدك اطول من الليل

بس يخلص غصب لحظه بأثر لحظه

صحيح اتمرضت وبكلبي ماضل حيل
بس عادي المرض كل احنه نتمرضه

قانون العشك ماوكف بس اعليك
ودستور العشك مو انته التفرضه

انساك اي نعم واتحده كلبي انساك
من اليوم اعوفك ارضه ماارضه

رفعتك للكمر بيديه هاي وهاي
ومن كليبي صاحك طيحت حضه

جنت اللكمه لك اقسمه انه وياك
واسجل روحي لك واخذهه بالقرضه

والصم كل حلك بالشر ذكر طرواك
واصون اسمك جنت واتفاخر بحفظه

اتوضه بضحكتك من اشوفك جاي
وانته شكد صلف بدموعي تتوضه

مثل بلبل حسبتك وانه شجرة تين
واحسك بيه تاكل ضلعي اترضه

لكيتك تنتشر بجروحي ويه الروح
واغصاني التحبك ...ماتت بلحضه

واباوع كلبي ينزف يصرخ بلاصوت
ومعضوض اعتقد منك الف عضه

اكلت هروشي ليش انه شجنيت وياك
اي مو بلبل حسبتك شو صرت أرضه

بعد محد يحبك لا ابد والله
لا .. يمكن اضن بغيري هم تحضه

صياد انته ماهر بالجذب فنان
وكل صياد ماهر للخطر عرضه

اذن باجر بلحضه كبالي هم تنصاد
واسأل من ينقذك من تجي اللحظه


تحياتي

عاشت الايادي احمد
مبدع والنعم منــــك
يالمبـــــــــــــــــدع
ابداع متواصـــــــل
الله يوفقــــــــــــــك
نتمنى منك كل ماهو
جديــــــــدومفيـــــد
مع تحيـــــــــــــات
عدنان البصـــراوي

معآ لمنتدى افضل واجمل

عاشت ايدك حمودي مبدع والله تقبل مروري

يدللووو حبيبي الغالي شكرا على المرور

يدللووو حبيبي الغالي شكرا على المرور

روعه حبي تسلم لي