قصيدة جميله

يلي كطعت فد نوب سيّّر علينه ... ظلمه السما بلياك يالماتجينه

يلي بعدت فد نوب مييل دحاجيك ... جلد وعظم ظليت ترجع واراويك

يالرحت عني بعيد يمته انه اللاكيك ... ويرجع ضواها العين واكعد واحاجيك

يالرحت عني بعيد يمته انه الكاك ... لاتظن باللحظات دلالي يسـلاك
*************
عد راس ابو السجاد ربعي اندعولي ... ماينفع الطك بيه نوخ ذلولي

وله ايضا ..

جابلني عله الروح نسحله يالمار ... ماترضه تمشي وياي أمجلبه بالدار

وقد وردني أيضا .. بعض الدارميات للشاعره غنمه .. ومنها ..

أشماله راعي الدار بالطارش يعيل ... لو بعض همي عليه ما يكدر يشيل

ولها أيضا

منهي التبدل وياي رجلي برجله ... أن***ه بالميزان والزايد اله

ولها ايضا..

رأس المشد يي ها لطمتجن وياي ... للزتت ما تاناش ذاك المشه هواي

وتقول

شلي بقصر مابيه دلالي وياك ... وطرديتي جنة عاد لا لمت هواك

وللشاعر راهي سعيد ال ناطور الدارميات التاليه ...

منك نفع ما اريد خلني على هالحال ... لآجعت ماداعيك تجسر الحلال

وله أيضا ..

أمكسر الجنحان ما يكدر يطير ... واجع وملتخات منه العصافير

وله أيضا ...

كلش كرهت الروح خلصوني منها ... من يمر طاري هواي تفكد وزنها

وهذه الدارميات للمرحوم مانع سايب الشهد ...

أه ضوه عيوني الراح أه ركت عضاي ... أخ الحجي البسكوت من ربعي الوياي

وله أيضا..

الحلك ديرم بيه لو هذا دمه ... يرضه الله ابوسبالات كل سا يشمه