الدارمي حسب الحروف الابجديه

من طرف حمزة العبادي 7/10/2008, 5:19 pm

اليف
انهض ورد للكاع واتجه باثنين
صوبني وسط احشاي من طكني البين
الباء
بالطيف اشوف اهواي هم هذه كافي
تنكط عسل يا ناس شفته عله شفافي
التاء
تركض تلم افلوس شكد رايد اتعيش
والجفن مابيه جيب مثل الدشاديش
الثاء
ثلثين الك بالكلب وبثلثي الك ثلثين
وثلثين الك بالثلث هيجي التوده العين
جيم
جمره ابظلام حشاي تسعر وداري
تاكل اكل بالروح ليلي ونهاري
حاء
حيف العمر اكضيه ونه اعله ونه
يشبع بواجي او ياي البيه محنه
خاء
خلالي ونه وراح ايا وليفي
مامش عزيز يموت وابجي اعله كيفي
دال
دفتر شعر سويت من جور الايام
احروفه ضيم الروح جلماته الايام
ذال
ذب شصك وبعدين تصفه القضيه
لو سجن سبع سنين لو تطي ديه
راء
رحت انه للدكتور شاورني بسكوت
لو ولفك يحاجيك لو باجر تموت
زاء
زين البخت وياك واصل لهلحد
احفر كبر للمات كالو كعــــــــد
سين
سلاني سل فركاك سواني شعره
وانطبك ست طبكات واطرك بالبره
شين
شعطلك شبطاك مو عاده الك هاي
روحي اخلصت بجفاك واتمرد اجلاي
صاد
صد بعد ما تسوين غبره انتي يالدار
من عكب ذاك النور غاطيج الاغبار
ضاد
ضميتك ابكلبي وكتلك امر
ترجع بعد ليش تسمع حجي القشامر
طاء
طيفك بنص العين كل ليله ضيفي
بعيونك الحلوات هم يمر طيفي
ظاء
ظلمه وتدور اعليك روحي شجاها
متولعه بيك اسنين خله بهواها
عين
عرجه وكسرني البين وبعيوني ما شوف
جابولي طاري هواي كمت ازحف ازحوف
غين
غصبن عليه الروح جابتني اشوفك
جثرله بالصدمات بلجن تعوفك
فاء
فرحتنه بالمحبوب طلعت حلم نوم
مثل السراب وراح ما يبكه للدوم
كاف
كف كافي كف ارجوك كف كافي واسكت
البنيه التحب اثنين هم تنحسب بــــــــــــت
لام
لاني عدل لاميت عكبك يغالي
تاركني بالحسبات وانته اعله بالي
ميم
100 هله ابها لطول اعتاب الي اوياك
اتنازع اوي الموت كله اعله فركاك
نون
نهجم بيته الكال بالعشره راحه
كل عاشك اتمر بيه ناصب مناحه
هاء
همك وهم الناس وهم الهموم
لو وحده منهن بيك ما تكدر اتكوم
واو
واحدكم اعله الموت يكبل ولا يهاب
لانفسه تحمل لوم لايحمل اعتــــاب
ياء
يا كلبي حرت اوياك وانشده فكري
من عاشرت وهويت حاربني دهري
ارجو ان وفقت في ما قدمت

تحياتي