هل ان الابوذيه تعبير عن الروح ادخلو وشاركو

ان شعر الشعبي في العراق حسب رأيي هو تعبير عن هموم الشاعر ومشاكله الي يعانيها في حياته
لهاذا تجد ان الشعر الشعبي قد تداخل في جميع مشكلات الانسان الفكريه والثقافيه والسياسيه
وكذلك حتى في مشاعر الشاعر وقلبه على من يحبه
فنجد أن كثير من الشعراء يشكو همه الى الناس عن طريق بضعه ابيات من شعر الابو ذيه

واليكم مجموعة صغيره من هذه الأبيات

فهنا يسأل الشاعر لمن يشكي همه ؟؟

المن نشكي مصايبنا وهمنا ؟!
وعفنا الأهل والصاحب وهمنا.!
نطأطئ روسنا تقبل وهمنا ؟؟!
الناس أنذال ما بيهم حميه


وهنا يلوذ الشاعر الى صديقه للأحتماء به من اعدائه

وصلت للعظم يا حيف وياي
ولا واحد يشيل الحمل وياي
ظليت التفت على الراح وياي
دخيلك لا تشمت عداي بيه

وهنا يشكي الشاعر همه من الخدمه العسكرية ههه

جدري غله ميه وابـد مـا فـار ..
ولا بقى أبيتي جريدي ولا فار ..
وانـه مكمل الخدمه ولا فــار ..
أركض والعريف يدك علية ..

وهنا يفخر الشاعر بصديقه العظيم بنظره حتى بعد مماته

عيوني تعاين عل الدرب وتراب
وروحي ما يهمها الخطر وتراب
الشامت يرى كبرك حجر وتراب
ويرى التاريخ كبرك مزهريه


وهنا الشاعر يعاتب صديقه على عدم وفائه له


حروف اسمك على الذرعان دكيت


أو ابد موخوش دكه وياي دكيت
أساس وياك طين بطين دكيت
هيجي تبيع الوفا وتخون بيه






واخيرا شكوه الشاعر من اخوانه الذين نسوه






من منكم علي نشد من سال



جفيتوا و بجفاكم صوت من سال



شعندي غير دمع العين من سال

إخفف بيه مصاب الصار بيه


أرجو انه كنت خفيف الظل عليكم بهذا الموضوع اخواني ويا رب يعجبكم الموضوع واتمنى من الكل تشارك بي وتساهمني وتصحح افكاري اذا بيها اي غلط ومشكورين جدا جدا على كل شي