ابووووووووووووووووووووووووووووذياااااات

صحت بس صورتي ردلـــــــــي **منصحتلك
وابد لتكول عنــــــــــــــــــي **منصحتلك
تدري شصار بيه *** من صحت (لك)
احس اتجاوزت كلش عليــــــــه



اجذب الكال عنــــــــــــــك ** مره شفتك
العسل لسه بشفافــــــــــــــي ** من رشفتك
الحذر لو ويه غيري ** مره شفتك
انتحر بيك واموتك بين اديــــــــه



لغيرج مره كلبــــــــــــــــي **ومرخصتج
ورخصتيني وترانــــــــــي **مارخصتج
استاذنتي وكلتلــــــــــــج ** من رخصتج
عجب قدمتي الف شكوى عليــــــــــه




بنار الهجر صــــــــــــــدك **مايعاني
ونشف من كثر دمعــــــــــي **مايعاني
تريد اشوف كلبـــــــــــــــــي ** مايعاني
مد ايدك جهنم تلكي بيـــــــــه




لتظن نار كلبي عليــــــــــــــك **تبرد
وبعد كل الحجيته ويـــــــــــاك ** تبي رد
اشوكت ماجيك بالسجيـــــــــن**تبرد
دهاك اذبحني هو شظال بيــــــــــه





طحت مامره اديكـــــــــــم **كومتني
ويشيل الثوب صــــــــــدك **كوه متني
اشبصرك والليالـــــــــــي **كاومتني
اتهدد والعمام اكطعوا بيــــــــــــه





الشوك وياك صـــــــــــــدفه**قابلاني
شيجي منك عليــــــــــــــــه ** قابلاني
تقشمرني ابضحكــــــــــــــتك ** قابل اني
غشيم وتعبر الضحكه عليـــــــــــــــــــه
اشد الها تگلي الدهر واطاك
غرفلك هالكريم بحسن واطاك
لون ايدي تشل عليك والطك
اعلمك ما جره منك عليه

من مثلي تعذب من تمرمر
اشتحمل الدك يگلبي من تمرمر
تخطف گلوب بيدك من تمرمر
طريجك سلطة الباري عليه

تهزهز يا لحد وانفض ترابيك
وعزيز الروح هالنايم ترابيك
يباچر عيد وعيوني ترابيك
دضل بنومتك والنوح اليه

بس انه زماني وياي خوان
خلاني وحيد بغير خوان
وانتچلت على الصديق وطلع خوان
يحاول يسلب اهدوم العليه

ذلولي ما يجد للسير ضلعاي
انتحوا عني ومد البصر ضلعاي
شبه كسر الزجاج انكسر ضلعاي
بعد ما يرهم التجبير بيه

صوتي من نداي عليك ينباح
وسرنه لا تضن للغير ينباح
اتوده ليش يطلع چلب ينباح
تحذر لا يغدرك بالثنيه

احبابي شلون حالتكم بعدنه
اشبيدنه والوكت عنكم بعدنه
اچان انتم سلييتونه بعدنه
بذكركم كل صباح وكل مسيه

دليلي انزرف من الاه وانسه
شمشله يعرض ويه الخيط وانسه
يگلبي جوز عن اهواك وانسه
اشلون انسه وتصاويره بديه

عشرتك خوش للصاحب ويازت
الزواني لا تدك دكتك ويازت
فلانه من الخزي عفت ويازت
وتزيد انت عليهه القاط ميه

يحادي الضعن وين تريد ولميت
واخاف العزيز وياك ولميت
اچان اتريد وتولمت ولميت
بعد ماضل الك كل حك عليه

تجي بطروشنا طروشك حيينا
عزيز ومن تجي لينا حيينا
تموت انموت ومن تحيا حيينا
تصحا اصحا تمرض مرض بيه

حرت لا وين وجهي ووين مگفاي
على الخله دموع العين مگفاي
يگلبي لو احط الترف مگفاي
للمعشر ولا يصعب عليه

مسحت الدمع باليمنه ووحنت
ذكرته وضجت ضلوعي وحنت
الناگه تعلمت مني وحنت
مثل گلبي گلبهه انصدع هيه

شحم چلاي ذوبته من الحاي
وغدت سوده مراكبهه من الحاي
اجيت اتبع صفاينهم من الحاي
غدت شمس الضحى ظلمه عليه

المحبه ركزت بيه وعامات
وسهم الچبدتي تصابه وعامات
الي خالات خل يبچن وعمات
وعلي لاتطب تبچي الاجنبيه

لا عن طمع خاويتك وانه خواك
اطيحن باول صياحك ونخواك
ان چان انت خوي ليه انه خواك
ردتك للصدگ وانكتت بيه

الدنيا وياي زعلانه وانه الها
تبالي الدوم راعيهه وانه الها
وحگ سادة بني هاشم وانه الها
مگولن اخ لو تنجلب بيه

حلو لا مستوي حبي ولا ني
ولا عود اليسليني ولا ناي
العگد ضيج مفر مالي ولاني
دعلج ونفض ريشه عليه

ترف طولچ يعود الموز وانتي
ويشوكج بات بالدلال ونتي
يحكلي وياج اكظي العمر وانتي
جسم واحد وروح البيج بيه

وين اللي يصدر العيس لاميت
انشظى عگلي وعلي الناس لاميت
اريد اصبر واشوف الصبر لاميت
الصبر اثر اخزانه وعمل بيه

عيوني من سبب فرگاك حايات
مغذيني هواك اسموم حايات
اموت ولا اطلب من النذل حايات
علي بيت المرد عيني جويه

غريبه امها يصاحب وابهمنا
شعاع البدر خدها وابهمنا
انا ماريد عشره وابهمنا
عشرتك بالدقايق تمت بيه

حبيبي التين والزيتون وازهى
وشبه شجرة ربيع السنه وازههى
حضرها الواشي والنمام وزها
خله ابكل طويله نار السريه