هديه لكل الشباب والشابات وخاصتآ اخي وصديقي احمد الغزالي

دارميــــــــــــات
صدكني ما أنساك وبالفكر باقي
اني أليحب للموت أني العراقي



شجره وفه وياك وصرت أنته ساقي
صرت أني ألك محبوب وانت لعراقي



عراقي ويهوه شلون ما تدري انته
هذا أليحب بجنون وتاليه خنته


يل تسأل عليه منين أني ألعراقي
أني أليحب حلوين وأنسان راقي


العراقي ويريد أشعار شكتبله شيريد
عيني كتبتلك أسرار وسبقته للأيد


عراقي وعندي أشعار وأهديه بالعيد
وانت أحكم علي يفلان شنهوه أليفيد


أبوذيـــــــــــــــــــــــات
ولع كلبي بحبيبي ولع راقي
وسكن بألكلب حبه والعراقي
أبن بغداد أني والعراقي
لا تكلي بعد أنطيني هويه




أني دومي أصدك بأي وعد ألك

وشحجي عالمواقف تريدني وعدلك
صح أنت عدل بأخلاقك وعدلك
لأن ألعراقي غلطته حسبوه ميه



حرت شكتب للعراقي وشملي
شباب المنتدى بحبهم دكو وشم ألي
شباب ألعراق لمو شملهم وشملي
وصرنه أحلى منتدى ولأحمد هديه



مصايب هالوكت والدنيا علينه
ونحبكم وحك عثمان والحمزه وعلينه
تكلي حيدر أنت مو شاعر (((علينه
صح بس عندي خلان ما ينطون بيه



منتدانه نحبك وغيرك منتخبنه
وأهل غيره وشرف من تخبنه
شباب ألعراق صارو منتخبنه
يلعبون بأي وكت وبالفوز ميه


بغيالك يالعراقي كلبي مالفاني
وأشهد شكد أشعار لجلك مألف أني
أطلع من ألدوام وأركض مألفاني
وكولن دوام المنتدى يسأل عليه



ومضــــــــــــــــات
بيه أحزان ما يـــحمـــــــــــله أنسان
وأفراح عكب ألخاني صارت أحزاني
بس بالعيـــــــــــــد أفرح مو لان عيد
لان امي تبوسنــــي وتحيني من ثاني



أجتني أيام أحس بالحـــــــزن مرض
وجتني أيام أفرح بس ما أحس فرحان
ألفرح ويه الحبيب وولكيـت الاحباب
وصحيت من نومتي وطلعت حلمان



العراقي وشتــظن هم يعرف ألخوف
يسموني بهالوكت أسد وهذا عنواني
أني ألماحــــــنيت راسي للأمريكان
وعيب عــلــــيك تكولي أنت أيراني

اتمنا نالت اعجابكم
تحياتي حمزة العبادي